Силно невреме го погоди денеска градското подрачје на Њујорк, затворајќи делови од метрото, поплавувајќи ги улиците и ги одложија летовите на еден терминал на аеродромот Ла Гвардија.
Градоначалникот Ерик Адамс ги повика луѓето да останат дома ако е можно.
„Не е готово и не сакам овие прекини на врнежите да остават впечаток дека е готово“, рече Адамс на брифинг со новинарите.
Прогласена е вонредна состојба, а засега нема пријавено загинати или тешки повредени граѓани, соопштија градските власти.
За ситуацијата зборуваше и гувернерката на Њујорк, Кети Хочул.
„Оваа бура е опасна по живот. Прогласувам вонредна состојба во Њујорк, Лонг Ајленд и долината Хадсон“, рече таа и ги повика луѓето да останат безбедни.
I am declaring a State of Emergency across New York City, Long Island, and the Hudson Valley due to the extreme rainfall we’re seeing throughout the region.
Please take steps to stay safe and remember to never attempt to travel on flooded roads.
— Governor Kathy Hochul (@GovKathyHochul) September 29, 2023
Њујорчани се обидуваа да ја заобиколат водата во петокот. Сообраќајот е блокиран на делот долж источната страна на Менхетен.
Некои возачи ги оставија возилата, а на улица во Бруклин работниците беа во вода до колена додека се обидуваа да го одзатнат одводот.
went to get coffee an hour ago, v wet but sidewalk was perfectly walkable.
20 min ago…NOT so much. BK drains are simply overwhelmed with the rate of rain that’s been falling. #brooklyn #nyc #flooding pic.twitter.com/ZnVdT1m1P0
— youngpatrice (@theyoungpatrice) September 29, 2023
