Убиецот од Младеновац Урош Блажиќ бил нападнат во затворот во Смедерево, каде издржува 20-годишна затворска казна за убиството на девет лица во Дубона и Мали Орашје, потврдија за порталот Нова.рс.
Соопштено е дека Блажиќ се здобил со полесни повреди, како што стои во лекарскиот извештај од 16 до 19 декември.
Во знак на протест што наводно управата на затворот не презела соодветни мерки за негова заштита, тој штрајкувал со глад, неофицијално дознава Нова.рс.
Не се познати околностите како бил претепан Блажиќ и кој го направил тоа.
