Синоќа Словенија ја погоди силно невреме проследено со обилни врнежи кои предизвикаа поплави во делови од земјата.
Според податоците на словенечката управа за заштита и спасување, во последните 12 часа се регистрирани повеќе од 1000 несреќи, а на помош излегле пожарникари од 168 противпожарни служби. Луѓето мораа да бидат евакуирани од три кампови. На некои места во Штаерска се огласи предупредување за сирена поради опасност од поплави, пренесува Delo.
Неколку патишта се затворени, а некои места се отсечени поради лавини. Во текот на ноќта се евакуирани три кампа, а надојдените води носеле се пред себе. Засега нема информации за повредени.
Do sedaj je v večjem delu severne, severozahodne in delu osrednje Slovenije padlo med 100 in 150 mm dežja, krajevno tudi
več kot 200 mm.
Padavine še ne ponehujejo, zato smo izdali rdeče opozorilo za celotno severno polovico države.⚠️ pic.twitter.com/sSdyi2VOXB— ARSO vreme (@meteoSI) August 4, 2023
Словенечката агенција за животна средина (Арсо) поради продолжени врнежи кои ќе предизвикаат натамошно издигнување и излевање на водотеците издаде црвено предупредување за североисточна, северозападна и централна Словенија, кое важи до денеска на полноќ.
Пожарникарите во текот на ноќта претежно црпеле вода од поплавените објекти, заштитиле неколку одрони, отстранувале отпад од под мостовите и спасувале потопени возила од поплавените коловози, се вели во извештајот на Управата за заштита и спасување на Република Словенија.
