Лидерот на „Волја“, Веселин Марешки ја изрази тезата дека е крајно време Бугарија и Северна Македонија да бидат повторно заедно.
„На сите им е јасно дека нема да им дадеме зелено светло за ЕУ сè додека одредени кругови таму работат против Бугарија и им служат на старите тези. Времето на Тито и Сталин е веќе одамна поминато за да им се овозможи нивната политика да живее во 21 век. Тие се штетни за Бугарите од двете страни на границата“, рече заменик претседателот на Националното собрание, а пренесе бугарскиот Днес.бг.
„На ова лудило мора да се стави крај. Ние сме еден народ, со заедничко минато. Ако успееме да го елиминираме корисното влијание на една или друга голема земја, ако гледаме само на интересите на нашите граѓани, обединувањето е логичен пат. Така ќе се запрат сите шпекулации со историјата и нема да бидат препреки за иднината. И нашите браќа автоматски ќе станат европски граѓани”, продолжи лидерот на “Волја” со својата теза.
„Убеден сум дека во двете земји има мудри луѓе кои разговараат за оваа опција, колку и да изгледа изненадувачки во оваа фаза“, рече тој.
Според Марешки, чинот на обединување би бил историски пример за визионерство и разум на Балканот.
