Државниот пазарен инспекторат не регистрирал зголемување на цената на флашираната вода во големите маркети во Скопје во текот на вчерашниот ден, откако имало поплаки за минимално покачување.
Во големите маркети вчера од Државниот пазарен инспекторат не регистрирале зголемување на цената на флашираната вода, откако граѓаните на Скопје поитаа да си обезбедат доволни количества додека трае поправката на дефектот на главниот цевковод во главниот град.
Директорот на Инспекторатот, Влатко Стојковски, изјави дека инспекторите излегле да ги проверат поплаките за евентуално изигрување од трговците за минимално покачување, но не и за недоволни количини. Што се однесува до малите маркети, Инспекторатот може да прават контроли ако има пријави.
– Од тоа што увидовме, поголемите правни субјекти немаа промени на цените, кај помалите маалски маркети може да се оди по пријава. Да, ќе излеземе на терен и ќе го видиме тоа. Зголемување на цената на флашираната вода не е забележано од наша страна во текот на вчерашниот ден – изјави Стојкоски.
Како што дополни, за недостаток на флаширана вода генерално немало поплаки, а поплаките биле за минимално покачување во изминатите два дена.
ИЗДВОЕНИ
Трендафилов: Загрижува што синдикалната кошница се зголеми за минимални 123 денари, а очекувањата беа дека ќе се намали за 2300 денари
Трамп ја потпиша наредбата со која се става крај на американското државјанство со право на раѓање
Еве го голот на Кузмановски од 15 метри против Австрија (ВИДЕО)
Димитриевски – Рокас: Реформите во администрацијата и правосудството покажуваат дека Владата е на вистинскиот пат
