Меркел: По завршувањето на мандатот не стојам на располагање за ниту една политичка функција

158

Германската канцеларка Ангела Меркел демантираше дека планира да се кандидира за некоја од водечките позиции во Европската унија.

– По завршувањето на мандатот како канцелар во 2021 година не стојам на располагање за ниту една политичка функција, а тоа се однесува и на функциите во ЕУ, ја пренесуваат денеска германските медиуми изјавата на Меркел.

Таа појасни дека нејзината изјава за тоа дека и натаму сака да преземе одговорност за Европа е „погрешно сфатена“.

– Секако дека до крајот на својот мандат како канцеларка ќе сносам одговорност за судбината на ЕУ, појасни Меркел.