Корисниците можат да летаат секој ден со фиксна такса за резервација

Еколошки најодржливата авиокомпанија на EMEA, „Визер“ објави дека нејзиното барано членство „All You Can Fly“ е повторно во продажба, откако првичната понуда во август беше распродадена за само 48 часа. Уникатното членство изнесува 599 евра и им овозможува на членовите да резервираат летови во период од 12 месеци до речиси 200 дестинации во над 50 земји на 800 рути на „Визер“.

„Визер“ е единствената авиокомпанија во Европа која нуди голем број летови за одредена цена. Годишното членство ќе им обезбеди на патниците спонтан пристап до летовите низ целата мрежа на „Визер“ со периодична резервација од само 9,99 евра, давајќи им можност да летаат онолку често колку што им е потребно, притоа заштедувајќи пари на стандардните цени на билетите.

– Совршено за патници кои често патуваат и постојано ја бараат својата следна рута, членството важи за еден патник во период од 12 месеци, а автоматски се обновува секоја година. Клиентите можат да изберат од достапната дестинација 72 часа пред датумот и времето на поаѓање. Како дел од членството, првиот преземен лет е бесплатен. Од првичното лансирање во август, членовите можеа успешно да најдат достапност на нивните омилени летови во над 90% од случаите. Во најпопуларни дестинации се вбројуваат Будимпешта, Абу Даби, Лондон, Рим и Букурешт. Во просек, во последните два месеци секој член веќе има реализирано 2-3 патувања, при што еден чест патник успеал да лета 38 пати користејќи ги предностите на членството „ALL YOU CAN FLY “ – велат од „Визер“.

Додатоци како багаж и избор на седишта не се вклучени во членарината, но може да се додадат во резервацијата посебно. Во членството се вклучени само меѓународни летови.