Израелските сили пронајдоа 800 влезови кои водат до огромната подземна мрежа на тунели и бункери на Хамас од почетокот на копнената операција во Појасот Газа на 27 октомври, уништувајќи повеќе од половина, соопшти израелската војска.
Војската соопшти дека се уништени 500 влезови од тунели, како и километри од главните подземни рути.
Израелската војска соопшти дека влезовите на тунелите се наоѓаат во цивилни области и дека голем број се во близина или внатре во цивилни згради и објекти, како што се училишта, градинки, џамии и игралишта, пренесува Ројтерс.
Пред почетокот на војната, Хамас рече дека има стотици километри тунели кои служат како заштитни и оперативни бази, мрежа споредлива по големина со системот на метрото во Њујорк.
