„Дали Надал ќе игра? Нема да ви го кажам тоа до последен момент“

Давид Ферер, тренерот на Дејвис куп тимот на Шпанија, не сакаше да открие дали Рафаел Надал ќе игра во сингл.  Ферер, Надал и Шпанија ги чека завршниот турнир од Дејвис купот во Малага, каде што од денеска ќе го започнат четврт-финалето против Холандија.

Дејвис купот ќе биде последниот турнир во кариерата за Надал, но сè уште не е сигурно дали ќе се натпреварува во сингл, само во двојки – или воопшто не.

„Откако не игра некое време, ситуацијата е сè подобра и подобра, а тоа е најважно. Дали (Надал) ќе игра сингл, не знам, сè уште не знам…“ – изјави Ферер и додаде:

„Ќе видиме како ќе изгледа пред натпреварот, потоа ќе одлучиме. Но, дури и кога ќе одлучам, нема да ви кажам до последен момент.

Ферер сакаше да нагласи дека, кога е во прашање шпанската репрезентација, сè е во најдобар ред.

„Факт е дека сè ни оди многу добро. Атмосферата е многу добра, играчите добро се познаваат, тие се заедно долго време на турнејата. И секако, со оглед на тоа што ова е последен турнир на Рафа, сè добива уште поголемо значење“, подвлече некогашниот третопласиран тенисер.