Високиот претставник на ЕУ за надворешна политика и безбедност Жосеп Борел изјави дека палестинската милитантна група Хамас повеќе не може да ја контролира Газа.
„Палестинските власти ми кажаа дека се подготвени и сакаат да ја преземат оваа одговорност со помош на меѓународната заедница“, рече Борел.
Тел Авив претходно ја отфрли идејата за постконфликтна палестинска управа која ќе управува со Појасот Газа, укажувајќи на одбивањето на палестинскиот претседател Махмуд Абас да го осуди нападот на Хамас врз Израел.
