По повод 20-годишнината од премиерата, филмот „Бубачки“ по сценарио и режија на Игор Иванов-Изи ќе биде прикажан вечерва (13 декември) со почеток во 19.30 часот, во Кинотеката на Македонија.
„Бубачки“ е македонски краткометражен игран филм од 2004 година, во продукција на „Сектор филм“ – Скопје. Филмот е номиниран за „Златна мечка“ на Берлинскиот филмски фестивал во 2004 година и е добитник на престижниот „Златен леопард“ на фестивалот во Локарно. „Бубачки“ успеа да се пласира помеѓу девет кратки филмови во трката за „Оскар“, но не се здоби со номинација.
Што станува со еден млад човек кој живее целосно во својот свет? Меланхолични и моќни слики ги враќаат спомените од минатото на момчето, додека ја откриваат неговата контемплација за сегашноста. Улогите ги толкуваат: Ѓорѓи Крстевски, Оливер Митковски, Лабина Митевска, Владимир Јачев и Јелена Богојевиќ.
Декемвриската програма на Кинотеката ја збогатуваат легендарни македонски филмови кои ја обележаа историјата на нашата кинематографија. Со овие проекции публиката има можност повторно да се потсети на овие маестрални дела, кои преку различни наративи и жанрови ја прикажуваат македонската култура, историја и живот.
ИЗДВОЕНИ
Мел Гибсон, Силвестер Сталоне и Џон Војт – специјални амбасадори на Трамп за Холивуд
ТРАМП ГИ ИСПРАТИ ПОКАНИТЕ! На инаугурацијата пристигнуваат познати десничари – поинтересно е кој не е поканет
НОВ ПРОБЛЕМ ВО ЛОС АНЏЕЛЕС: Изгореа голем број електрични автомобили – сега се опасни руини!
Кос: Постои реална шанса Црна Гора да стане членка на ЕУ за време на мојот мандат
