Зошто цел Лос Анџелес е прекриен со розова боја/ФОТО/ВИДЕО

Додека пожарникарите неуморно се борат со разорните шумски пожари во Јужна Калифорнија, снимката од авионите како фрлаат светло розев и црвен прав во предградијата на Лос Анџелес станаа вирални.

Оваа супстанца, позната како средство за забавување на пожарите, стана вообичаена глетка во областа, покривајќи ги покривите, автомобилите и патеките додека властите се обидуваат да го задржат ширењето на пламенот.

Розовата пудра е всушност производ наречен „Phos-Chek“, кој се користи во калифорнискиот сектор за шумарство и заштита од пожари од 1963 година. Неговиот состав вклучува 80% вода, 14% сол од типот на ѓубриво и 6% инхибитор на боја и корозија. Бојата се додава за да им се олесни на пилотите и пожарникарите да видат каде се распрскува пудрата, а по неколку дена на сонце, таа избледува до природни тонови.

As crews battle devastating wildfires in southern California, vivid images have emerged of air tankers dropping bright red and pink powder on Los Angeles suburbs.#Report #ReportAz #ReportNewsAz #Azerbaijan #California #LosAngeles #Wildfires #Pinkpowder pic.twitter.com/uzXxgKtW8d

— Report News Agency (@reportaznews) January 14, 2025

Како функционира овој прав?

Правот го забавува ширењето на огнот на три начини: со ладење, со намалување на кислородот околу пламенот и со забавување на согорувањето благодарение на неорганските соли кои го менуваат начинот на согорување на горивото. Супстанцата се прска врз вегетација и почва подложна на оган, создавајќи бариера која го забавува пожарот, пишува Би-Би-Си.

Сепак, употребата на овој агенс е контроверзна поради неговите можни негативни влијанија врз животната средина. Организацијата Forest Service Employees for Environmental Ethics ја тужеше Шумската служба на САД во 2022 година, обвинувајќи ја дека го прекршила Законот за чиста вода со фрлање прашина од авиони во шуми и водни патишта. Се тврдеше дека хемикалијата убива риби и има ограничена ефикасност.

И покрај тоа што судот пресуди во корист на тужителите, употребата на ретарданти е дозволена со посебни дозволи од EPA (Агенција за заштита на животната средина на САД). Покрај тоа, Шумската служба се префрли на помалку токсична верзија на „Фос-Чек“, а неговата примена во близина на чувствителни екосистеми како што се речните текови е строго забранета, освен во случаи на непосредна опасност за човечкиот живот.