Злонамерен си и нечесен, уште те болат поразите од Рио и од Токио

Легендарниот селектор на женската руската ракометна репрезентација, Евгени Трефилов, не остана рамнодушен на својот колега Торир Хергеирсон, кој ги нарече санкциите против руските спортисти „фер“. Во изјава за ТАСС, Трефилов не го криеше разочарувањето од изјавата на својот колега.

– На почетокот, тој му беше само помошник-тренер на Марит Брејвик. Со години само уживаше во плодовите на она што го изгради таа. Не треба да заборавиме дека темелите на успехот на Норвешка ги постави големиот Игор Турчин, кој замина таму на бајпас-операција. Од него научи Марит Брејвик, оттаму доаѓа нивниот ракометен стил. И сега Хергирсон се удира во гради, ја кине кошулата и вика: „Јас, јас, јас.“ Или сè уште го боли поразот од Русија на Олимписките игри во Рио 2016 и од 2020 година во Токио?

– Спортот треба да биде надвор од политиката, како што тврдат самите. Но, во исто време ги менуваат ставовите и даваат злонамерни изјави. Тоа е нечесно. Треба да бидеме објективни, три години без меѓународна конкуренција, мора да влијаат на перформансите на руската репрезентација и треба да се разбере тоа. Сега сме принудени да играме само во рамките на Русија. Но, да учествувавме на последните светски и европски првенства, како и на Олимпијадата во Париз, ќе се боревме за првите позиции. Затоа, не судете за да не бидете осудени. „На крајот, сè треба да се реши на теренот – излезете, покажете резултат и нема да има прашања – кажа големиот руски ракометен стручњак.

Од 2022 година, руските репрезентации се исклучени од меѓународните натпревари врз основа на препорака од Меѓународниот олимписки комитет (ИОК).