Зимска напивка полна витамини и минерали: Смути со цвекло и банана наместо утрински појадок

Смути од цвекло и банана е одличен зимски пијалак полн со витамини и минерали. Високо со калциум, влакна, манган, магнезиум, калиум, рибофлавин, витамин Ц и витамин Е, овој напиток е идеален оброк за брз утрински појадок, особено по празниците.

Светло розовата боја на ова смути доаѓа од цвеклото, кое е богато со калиум, калциум, магнезиум, манган и железо.

Содржи и витамини од групата Б, меѓу кои најмногу се издвојуваат рибофлавинот и витаминот Ц, што го прави овој напиток идеален за студените зимски месеци и за зајакнување на енергијата наутро, пишува miss7zdrava.24sata.hr.

Калциумот е минерал кој ја регулира киселинско-базната рамнотежа во сите телесни течности, додека магнезиумот и железото придонесуваат за намалување на заморот и исцрпеноста.

Манганот, исто така минерал, го олеснува метаболизмот на протеините и јаглехидратите и ги активира ензимите одговорни за искористување на клучните хранливи материи, како што се витамините Б, кои се неопходни за имунолошкиот и нервниот систем.

Витаминот Ц е исто така добар за функцијата на имунолошкиот систем и здравјето на кожата, а е и моќен антиоксиданс. Калиумот им помага на мускулите и нервите да комуницираат, да ги преместуваат другите хранливи материи во клетките и да го одржуваат нивото на натриум во телото.

Рецепт за смути со цвекло и банана

Состојки:

• 1 мало печено цвекло
• 1/2 замрзната банана
• 1 шолја млеко по избор
• прстофат сол
• засладувач по избор (како урми, стевиа или јаворов сируп)
• 1 лажица какао во прав, по желба

Подготовка:

Измешајте ги сите состојки во блендер додека не се соединат, истурете ги во висока чаша и уживајте.