Жил Симон: Не е фер што плукаме по Алкараз

Поранешниот француски тенисер, Жил Симон, смета дека критиките кон Карлос Алкараз се неправедни.

Алкараз оваа сезона го освои Ротердам, но доживеа непријатни порази во Доха и Мајами.

• Проблемот со овој тип на играчи е што имаат големо внимание, па на крајот имаме многу очекувања од нив, вели Симон.

Симон истакнува дека Алкарас (21) е сè уште многу млад и дека веќе има освоено четири Грен-слем титули.

• Тој освои четири Слема, што е лудо на неговата возраст. Луѓето се тешки. Неверојатно е тоа што тој веќе го постигна, а ќе постигне уште повеќе. Секој пат кога ќе загуби, тоа е голема катастрофа, бидејќи треба да освои сè. Сите го сакаат, а кога не победува, ние сме разочарани и не е фер што плукаме по него, порача Симон.

Пред Алкараз е следниот предизвик, Монте Карло, кој започнува следната недела.