Жестоки протести во Кина поради СМРТ НА ТИНЕЈЏЕР: Полицијата ги тепаше демонстрантите, тие враќаа со палки/ВИДЕО

Ретки, насилни протести избувнаа во Кина по смртта на тинејџерот што доведе до обвинувања за прикривање од страна на властите.

Снимката потврдена од Си-ен-ен покажува десетици демонстранти кои се соочуваат со полициски кордон пред стручното техничко училиште Пученг во северозападниот регион Шанкси. Некои демонстранти фрлаа палки и други предмети кон полицијата. Еден од демонстрантите фрлил противпожарен апарат на вратата, при што го скршил стаклото, наведува Си-ен-ен, додавајќи дека кинеската полиција реагирала агресивно, тепајќи и соборувајќи некои демонстранти на земја.

Причина за протестите била смртта на тинејџер, ученик со презиме Данг, кој бил трета година на школување. Според „Фрст пост“ тој имал 17 години. Локалните власти во Пученг тврдат дека смртта на Данг на 2 јануари била несреќен случај и дека немало елементи за кривично дело, но на социјалните мрежи кружат обвинувања за прикривање.

Си-ен-ен објави дека кинеските власти се особено претпазливи за јавните протести во земјата по широко распространетите протести на „Белата книга“ кон крајот на 2022 година поради строгите мерки за време на пандемијата на Ковид.

Данг починал по конфронтација со друг ученик

Според изјавата на истражителот објавена на веб-страницата на владата на округот Пученг, Данг имал „вербална и физичка пресметка“ со студент од прва година по име Гуо, во врска со „нарушување на неговиот одмор“ во студентскиот дом. Таа вечер, службеник на училиштето помогна да се реши спорот. Околу 03:00 часот, друг студент од домот на Данг отишол во тоалетот, каде што нашол дрвен стол под прозорецот на балконот, се вели во соопштението.

– Лизгачкиот прозорец беше отворен и отстранета е металната мрежеста заштита. Данг веќе паднал од прозорецот – се вели во соопштението.

„Сомнителни околности“
Човекови права во Кина, американска активистичка група, објави „сомнителни околности“ кои довеле до смртта на Данг, вклучително и сведочења за „знаци на борба во спалната соба на Данг“ и сугестии дека тој бил „оттурнат од покривот“.

Групата соопшти дека семејството на Данг го отфрлило официјалното објаснување за неговата смрт. Семејството исто така тврдеше дека фотографиите од неговиот мобилен телефон се избришани, објави Ројтерс. Скептицизмот на семејството беше широко одгласен на социјалните мрежи.

Не е јасно дали протестите, кои започнаа во понеделникот, продолжија во текот на целата недела. Си-ен-ен вели дека побарал коментар од Одделот за јавна безбедност на округот Пученг и градот Веинан, но допрва треба да добие одговор.

🚨BREAKING: Violent protest erupts in Pucheng, Shaanxi Province following tragic student death

A violent mass protest has erupted in Pucheng, Shaanxi Province in the last 24 hours, following the mysterious death of 17-year-old Dang Changxin. This is the first large-scale… pic.twitter.com/PgZSG7ZvZL

— 中国人权-Human Rights in China (@hrichina) January 6, 2025