Жената која е пророк со помош на аспарагус ја најави 2025 година

Џемима Пакингтон (68), дама која се прослави благодарение на способноста прецизно да ги предвидува идните настани врз основа на фрлање аспарагус, во интервју за Бристол Лајв откри на што ја предупредил зеленчукот овој пат.

Така, меѓу другото, таа најави дека Европа и Блискиот Исток ќе бидат погодени од бројни граѓански немири и истакна дека Европа ја очекуваат особено турбулентни времиња.

Таа додаде дека многу политичари ќе поднесат оставки или ќе бидат сменети и „пророкуваше“ дека американскиот претседател Доналд Трамп (78) ќе страда од многу сериозни здравствени проблеми.

Да потсетиме, Џемима Пакингтон во претходните години правилно ја предвиде смртта на кралицата Елизабета Втора, Брегзит и Борис Џонсон во улогата на премиер, а во иднината гледа фрлајќи аспарагус во воздух и потоа толкувајќи ги знаците откако ќе паднат во садот.

Понатаму, што се однесува до 2025 година, таа исто така рече дека светот на забавата ќе биде обележан со смртни случаи и апсења и најави дека ќе има повеќе смртни случаи во кралското семејство.

„Покрај тоа, ќе има катастрофи поврзани со климатските промени кои ќе предизвикаат загуба на голем број животи“, рече таа.