По 15 години речиси целосна естрадна пауза, цврсто веруваме дека некогаш мегапопуларната македонска пејачка, Соња Тарчуловска (сопруга на Јохан), пак ќе ги заземе високите места на музичките топ-листи. Таа најавува голем кам-бек на сцената. Тоа ќе биде со новата песна насловена „Црвено“ и со нејзиниот голем хит, „Во бело“ (испеан пред точно 25 години), но сега како урбан микс, нешто како трендовска побрза поп-балада.
Како и да е, важно е дека Соња Тарчуловска, која е една од најсексапилните наши пејачки, повторно ќе ги радува своите обожаватели, и нас, новинарите. Сето тоа ќе го потврди славенички, на закажаната промоција (вторник 11.03), наменета за новинарите, во 17:00 часот, во ресторанот „Бир гарден“ во скопско Дебар-Маало.
(Д. М.)
