Украинскиот претседател Володимир Зеленски изјави во неделата дека никогаш нема да прифати потенцијален договор за прекин на огнот што го преговараа САД и Русија без Украина.
„Никогаш нема да прифатам какви било одлуки меѓу САД и Русија за Украина, никогаш. Ова е војна во Украина, против нас, и тоа се нашите човечки загуби“, рече тој во интервју за NBC News.
Зеленски, исто така, му се заблагодари на американскиот претседател Доналд Трамп за неговата поддршка за Украина, но истакна дека „нема лидер во светот кој навистина би можел да се договори со Путин без нас“, пренесува Танјуг.
Истакнувајќи дека САД се „најголемиот стратешки партнер на Украина“, тој рече: „Ние сме подготвени да го споделиме нашиот заеднички план со претседателот Доналд Трамп“.
Зеленски ја истакна важноста на европската поддршка за Киев и рече дека САД, Европа, Украина и Русија треба да бидат на преговарачка маса.
ИЗДВОЕНИ
Меџити: Минчев да не го копира Апасиев – му се допаѓало или не, правичната застапеност на Албанците е уставна категорија
„Дипломатија на втор колосек“: Тајни средби во Швајцарија за ставање крај на војната во Украина
Сиљановска Давкова: Химната одразува историја и не треба да се менува, менување на грбот се плашам дека ќе предизвика нови страсни конфликти
Со Јоце Панов пред гала концертот за Осми март: „Во туѓина” ги допре срцата на сите нашинци кои се далеку од родната грутка
