„Зеленски мора да биде отстранет“: Поранешниот советник на Трамп откри какви се плановите за Украина

Поранешниот советник на американскиот претседател Доналд Трамп, американскиот армиски полковник Даглас Мек Грегор, оцени дека колку побрзо украинскиот претседател Володимир Зеленски биде отстранет од власт, толку побрзо ќе биде можно да се постигне некаков договор со Русија.

Мек Грегор посочи дека постигнатите договори нема да одговараат на желбите на Западот, но „најверојатно ќе се постигне некаков консензус дури по одреден временски период“, пренесува порталот OCOC од Орландо, Флорида.

Според неговите зборови, кога првиот мировен предлог ќе биде отфрлен, руската армија неминовно ќе продолжи со офанзивата, а Западот ќе се најде во позиција каде што ќе стане подготвен да ги прифати речиси сите услови поставени од Русија, кои за Украина ќе бидат значително полоши отколку што беа на почетокот.

Мек Грегор претходно истакна дека изјавите на поранешниот шеф на Пентагон, Лојд Остин за какви било успеси на украинската војска се „апсолутно далеку од реалноста“.

– Остин, кој рече дека благодарение на помошта на САД и западната коалиција од 50 земји, вооружените сили на Украина наводно успеале да вратат половина од териториите што Русија ги окупирала, очигледно немал точни информации – рече Мек Грегор.