Српските студенти денеска блокираа три моста во Нови Сад, по повод три месеци од уривањето на настрешница на градската железничка станица. Блокадата на Варадински мост, на Мостот на слободата и на мостот Жежељски мост започна во 15 часот. Варадинскиот и Жежељскиот мост беа блокирани три часа, до 18 часот, додека Мостот на слободата ќе биде блокиран 24 часа.
Стотици илјади луѓе, на протестите кои започнаа поради смртта на 15 лица при уривање на настрешница, излегоа на улиците низ земјата од ноември минатата година, при што студентите блокираа повеќе од 60 факултети, барајќи одговорност од властите, почитување на уставот и законите, искоренување на корупцијата и зајакнување и независност на институциите без политичко влијание.
Студентите од Нови Сад три часа ги блокираа сите три моста во градот, по што толпата се упати кон Мостот на слободата, кој ќе биде блокиран 24 часа.
Варадинскиот и Жежељскиот мост станаа проодни малку по 18 часот.
Спектакуларни снимки од Нови Сад под блокада: Море од луѓе во борбата за правда/ФОТО
ИЗДВОЕНИ
Спектакуларни снимки од Нови Сад под блокада: Море од луѓе во борбата за правда/ФОТО
Директорот на Управата за извршување санкции потврди дека е најден телефон кај притворениот Јованов, најави дисциплинска постапка
И денеска граѓани ѝ оддадоа почит на Фросина Кулакова во Скопје – за утре во 17 часот закажан нов протестен марш „Кој е следен?“
Мицкоски: Наскоро ќе почнат анкетите за избор на можни кандидати за градоначалници
