Заврши акцијата за отплата на долговите без камата

Јавното претпријатие „Водовод и канализација“ ја известува јавноста и граѓаните на град Скопје, дека акцијата за отплата на долговите без пресметка на камата за задоцнето плаќање заврши.

Акцијата за отплата на долговите на рати без камата е со определено времетраење и започна од 17.2.2025 година, а завршува денеска. Во овој период им беше дадена можност на корисниците со заостанат долг за потрошена вода (тужен и редовен), да ја искористат можноста за плаќање на рати без пресметана камата.

Одлуката за спроведување на акцијата за отплата на заостанатите долгови без пресметка на камата не важеше за органите на државната и локалната власт и другите државни органи основани во согласност со Уставот и со закон и институциите кои вршат дејности од јавен интерес утврден со закон, а организирани како агенции, фондови, јавни установи и јавни претпријатија основани од Република Македонија или од општините, од градот Скопје, како и од општините во градот Скопје.