Завршен распитот на градоначалникот на Кочани, обвинителството дополнително ќе донесе одлука за неговиот натамошен статус во постапката

Обвинителството во Кочани вечерва соопшти дека распитот на градоначалникот на Кочани, Љупчо Папазов е завршен и дека дополнително ќе биде донесена одлука за неговиот натамошен статус во постапката.

Оттаму информираат дека  градоначалникот дал определени појаснувања и сознанија.

Таквиот исказ се споредува со доказниот материјал и надлежностите на општината, по што ќе биде донесена одлука за неговиот натамошен статус во постапката, велат од ОЈО.

Тој околу 19 часот, го напуштил Обвинителството каде што беше на распит.