Застрашувачки сцени од земјотресот во Мјамар, се урна и болница: Официјално 144 загинати, се стравува дека има многу повеќе/ВИДЕО

Мјанмар утрово беше погоден од два разорни земјотреси.

Првиот беше 7,7 степени по Рихтер, а потоа вториот беше регистриран со 6,4 степени по Рихтеровата скала.

Според очевидци, земјотресите траеле долго.

Земјотреси се почувствувани и во Индија, а во Тајланд се урна облакодер во Бангкок.

Се верува дека има многу затрупани под урнатините. Спасувачките екипи се на терен, потрагата по затрупаните под урнатините е во тек.

Нова морничава снимка
Снимките покажуваат урнатини и како се тресат згради во кинески град во близина на Мјанмар.

Видеата од градот Руили – кој се наоѓа на границата со Мјанмар – покажаа урнатини на улиците и зградите како се тресат додека луѓето бегаат во паника.

17:37 часот
Болницата е уништена
Болница со 1.000 кревети во главниот град на Мјанмар е една од зградите оштетени во земјотресот.

Најмалку 144 лица загинаа во Мјанмар, објави државната телевизиска мрежа на Телеграм.

Оттаму додаваат дека 732 лица се повредени во земјотресот и последователните потреси што се случија утринава.

Тоа е првата официјална бројка објавена од воената хунта на Мјанмар, а офицер на хунтата додаде дека бројот на загинати и повредени ќе продолжи да расте. Полицаецот наведува дека 96 лица загинале во Најпитав, 18 во Сагаинг и 30 во Мандалеј.

Што се однесува до повредените, 132 лица се повредени во Неипјуитав и 300 во Сагаинг, додека бројките од другите области се уште се проценуваат, додаде офицерот.

Affected by the Myanmar earthquake, Ruili City, Yunnan Province, China felt strong tremors and many people were injured pic.twitter.com/lNSBIRZjld

— Jim (@yangyubin1998) March 28, 2025