Фудбалскиот свет се шокираше минатиот месец од веста за ненадејната смрт на легендарниот англиски фудбалер Кевин Кембел, почина на 15 јуни годинава на 54-годишна возраст. Сега, речиси еден месец подоцна, се појавија нови детали за неговата смрт. Поранешниот напаѓач на англиската репрезентација почина во болница во Манчестер, а сега се наметнува прашањето како бил третиран и дали починал поради лекарска грешка.
Наводно е отворена истрага за смртта на поранешниот играч на Арсенал и Евертон, а според англиските медиуми, случајот е сместен во најризичната група. Гробарот Зек Голомбек прв го крена гласот и се запраша како лекарите се однесувале кон поранешниот напаѓач. Тој истакна дека причина за неговата смрт е откажување на повеќе органи поради срцева инфекција.
- Според извештаите, тој бил фит и во добра здравствена состојба во јануари 2024 година, кога имал неколку посети во болницата пред последната. Овој случај е ставен под истражување, бидејќи имало одложување на неговата дијагноза и постои загриженост околу процесот на донесување одлуки за неговата грижа, истакна Голомбек.
Тој нагласи дека очекува да се појават повеќе информации кои ќе потврдат дека Кевин Кембел не бил доволно добро третиран, а особено нагласи дека се очекуваат изјави од болничкиот персонал и семејството на Кембел. Конечната одлука за причината за смртта на Кембел ќе ја донесат властите „како дел од истражниот процес“, но не е даден датум за евентуална конечна одлука.
Кевин Кембел стана познат во Арсенал, каде што играше пет сезони и постигна 45 гола на 163 натпревари по позајмиците во Лејтон Ориент и Лестер. Потоа играше за Нотингем Форест, Трабзон, а од 1999 до 2005 година играше за Евертон. Потоа кариерата ја заврши во Вест Бромвич Албион и Кардиф. Неговиот син Тајрис, кој исто така е фудбалер и игра за Стоук, по неговата смрт напиша: „Болката што ја чувствувам не може да се опише, бидејќи како син, татко ми беше непобедлив“.
