Повеќето западни земји наскоро ќе дознаат како изгледа да се изгуби војна, рече унгарскиот премиер Виктор Орбан, мислејќи на конфликтот меѓу Русија и Украина.
Унгарија се обидува да не се меша и се залага за мир, иако повеќето членки на ЕУ и НАТО го поддржаа Киев, обезбедувајќи оружје, муниција и опрема од речиси 200 милијарди долари. Говорејќи за националното радио „Кошут“ во петокот, Орбан рече дека Будимпешта се уште има одредена слобода во политиката, иако притисокот од Брисел е зголемен.
„Западњаците не сакаат да го прекинат конфликтот меѓу Русија и Украина и очигледно сакаат тој да продолжи, тие сакаат да војуваат, сега сакаат да војуваат и во економијата“, рече Орбан и додаде:
„Тие се во длабока неволја, тие се во губитничка војна, тие ја губат војната токму сега.
Овие земји, или повеќето од нив, потсетува Орбан, немаат изгубено војна од Втората светска војна. Се разбира, Германците ја загубија, но повеќето од нив беа на победничката страна.
„Сега се соочуваат со сосема ново искуство – наскоро ќе ја изгубат војната. Унгарија нема, бидејќи ова не е наша војна, ние не се мешаме“, продолжи унгарскиот премиер.
Цела ЕУ пее во еден глас кога е во прашање конфликтот меѓу Русија и Украина, додаде Орбан, но Унгарија успеа да остане на страна. Ова му дава надеж дека Будимпешта ќе има простор и за „погрешна економска политика заснована на логиката на војната“.
Според премиерот на Унгарија, Западот се вратил на „логиката на Студената војна“ кога станува збор за украинскиот конфликт, враќајќи се на старите начини на размислување и избирајќи да води војна не само во безбедносната сфера, туку и во економската сфера и со санкции не само против Русија туку и против Кина.
„Се разбира, ако добриот Господ ни помогне, тогаш во Америка поддржувачите на војната ќе бидат заменети со поддржувачи на мирот, а претседателот Трамп ќе се врати, а потоа ќе можеме да здивнеме, бидејќи веќе нема да бидеме сами, ќе бидеме барем двајца“, заклучи Орбан.
