Замислете го животот во место каде ноќта трае 6 месеци, или земјата каде Сонцето непрекинато грее половина година

Арктичкиот круг ја претставува јужната граница на поларниот ден. Секаде северно од него, Сонцето може да се види над хоризонтот повеќе од 24 часа, барем еднаш годишно.

Ова се случува поради навалувањето на Земјата, која има отстапување од 23,5° од својата, па за време на летната краткоденица Сонцето е над Арктичкиот круг, а за време на зимската краткоденица надвор од дометот на сончевите зраци.

Земји кои се наоѓаат во Арктичкиот круг се САД (Алјаска), Гренланд, Норвешка, Финска, Русија (Сибир).

За кои места велиме дека денот им трае 6 месеци, исто како ноќта? Тоа се делови од земјите кои се наоѓаат во Арктичкиот круг.

Бидејќи ниту една од земјите не лежи целосно во рамките на Арктикот, овој феномен се јавува само во одредени области.

Една четвртина од територијата на Финска е под Арктичкиот круг, а на најсеверната точка на таа земја, сонцето не заоѓа 60 дена во текот на летото.

Во Свалбард, Норвешка, најсеверниот населен регион во Европа, сонцето не заоѓа од средината на април до крајот на август. Значи има поларен ден и поларна ноќ, само не баш во траење од половина година.

Поекстремно е на самиот Северен Пол, каде што Сонцето може да се види на небото непрекинато половина година. Северниот пол има поларен ден – периодот кога Сонцето е „надвор“ 24 часа – дури 6 месеци, од крајот на март до крајот на септември.

Во Гренланд сонцето заоѓа во средината на октомври и се појавува до крајот на февруари. Поларната ноќ трае четири месеци и една недела.

Исландската престолнина Рејкјавик, воедно и најсеверната престолнина во светот, има најдолг ден во лето, што се случува на 21 јуни кога денот трае дури 21 час и 45 минути.

Петте главни градови кои имаат најмалку дневна светлина во зима:

1. Рејкјавик, Исланд

2. Хелсинки, Финска

3. Осло, Норвешка

4. Талин, Естонија

5. Стокхолм, Шведска