Кошаркарите на Жалгирис приредија големо изненадување во 15. коло во Евролигата откако, на гостински терен во Мадрид, го совладаа Реал со 92:83 (24:19, 30:19, 18:22, 20:23). До победата Жалгирис го предводеа Лони Вокер со 21 поен и Силвијан Франциско со 17 коша. Најефикасни кај Реал беа Џанан Муса со 15 и Марио Хезоња со 14 поени.
Жалгирис е шести, со девет победи и шест порази, а Реал е на 13. Место, со шест победи и дури девет порази. Во следното коло, Жалгирис гостува кај Алба во Берлин, додека Реал гостува кај Париз.
Резултати: Фенербахче – Монако 69:99, Алба Берлин – Партизан 90:91, Басконија – Виртус Болоња 81:82, Баерн – Макаби ТА 98:93.
