Загриженост на сите страни: Дали Трамп ќе ја откаже програмата за Ф-35?

Големите американски одбранбени групи со децении се потпираа на продажбата на своето оружје на сојузниците. Сепак, неизвесноста околу посветеноста на Доналд Трамп кон НАТО доведе неколку земји да се сомневаат во нивното потпирање на американското оружје – предизвикувајќи растечка тревога кај некои раководители на индустријата, пишува „Политика“.

„Загрижен сум дека чиста политика би можела да им наштети на нашите изгледи”, изјави за ,  “Фајненшел тајмас”, неименуван извршен директор на водечка американска компанија.

Загриженоста го насочи вниманието на јавноста кон Ф-35, најскапата американска одбранбена програма и најголемиот поединечен генератор на приходи за одбранбената групација Локхид Мартин. Иако стелт-ловецот е столбот на модерните западни воздушни сили, некои се загрижени дека САД би можеле да ја укинат програмата.

Самиот Трамп дополнително ги подгреа тензиите минатата недела кога предложи во иднина „подоцна“ авиони да им се продаваат на сојузниците на САД бидејќи „еден ден тие можеби нема да бидат наши сојузници“. Претседателот алудираше на новата генерација на напредни ловци, познати како Ф-47, кои се уште не влегле во производство.

Иако Пентагон ја отфрли можноста за откажување на програмата на Ф-35, некои влади почнаа да ги преиспитуваат своите опции – пред се Канада и Португалија, а во игра се паневропскиот „Еурофајтер Тајфун“, францускиот „Рафал“ и шведскиот „Грипен“, пренесува РТ Балкан.

Друга ранливост на F-35 лежи во неговото потпирање на САД за обработка на податоците од мисијата.

„Постои зависност од датотеките со податоци за мисијата за многу клиенти на Ф-35“, рече Џастин Бронк, воздухопловниот експерт во Институтот RUSI.