Во планинските региони на Србија од утрово паѓа снег, а на социјалните мрежи веќе се проширија фотографии од патишта покриени со снег.
Снегот утрово го затрупа селото Јасеново кај Нова Варош, како и одредени патишта во Западна Србија. Снег падна и во Тавник на Борова Глава, а патот до бродот на Кока беше покриен со снег. Според граѓаните снег паѓа и во селото Лиса кај Ивањица.
РТС јавува дека снег од утрово паѓа на подрачјето на општина Краљево, а во пониските предели и центарот на градот провејува непрекинато.
View this post on Instagram
На Рудна нападна и до 10 сантиметри. Како што рано утринава објасни метеорологот Еуроњуз Србија, облаците кои се формираа над Медитеранот во текот на ноќта стигнаа и до Србија и донесоа снег и лапавица во југозападните и јужните предели.
View this post on Instagram
Од петок ќе следи постепено стабилизирање на времето. Само во Војводина се очекува слаб дожд, а температурата сепак нема да надмине седум степени.
За време на викендот ќе се разведри времето, а со повеќе сончеви часови и неколку степени на затоплување. Во сабота температурата во текот на денот ќе биде од шест до девет степени, додека во недела малку над 10-ти.
