Продолжуваат градежните работи за изградба на нов објект наменет за театар и библиотека во Тетово, изградба на објектот на НУ Турски театар – Скопје и изградбата на Стар Театар во Струмица… Ова се дел од единаесетте проекти од програмата за изградба на нови објекти, како и за реконструкција, санација и адаптација на постојните објекти што ги користат јавните установи во областа на културата. Меѓу проектите се и продолжување на реконструкцијата на објектот на театарот во Куманово, како и почеток со реконструкција на објектот НУ Музеј на Македонија и почеток со реконструкција – санација и адаптација на објект на поранешно кино Партизан во Битола при НУ Народен театар – Битола.
Тие треба да се реализираат во 2025 година од страна на Министерството за култура и туризам и националните установи од областа на културата кои се носители на активностите. Информацијата за програмата беше усвоена на 65. владина седница.
Инаку, реализацијата на проектните активности од програмата ќе се финансира од буџетот на Министерство за култура и туризам за 2025 во износ од 123.775.000 денари.
Фото: ФБ/Театар Куманово
ИЗДВОЕНИ
Трамп воведе царини од 33% за Македонија!
Жена повредена во сообраќајна несреќа на „Партизанска“: Кривична пријава ќе биде поднесена против 26-годишникот кој удрил во неа
Трамп и се обрати на нацијата: На полноќ стапуваат на сила царините од 25 отсто за сите автомобили од странско производство
„НИ ГИ УКРАДОА ИЗБОРИТЕ СО СКАНДАЛОЗЕН МАНЕВАР“: Ле Пен го „преспа“ шокот од пресудата, денеска тргна во контранапад
