Српскиот претседател Александар Вучиќ изјави во Брисел дека на највисоките претставници на Европската унија им кажал дека на протестот во Белград на 15 март не бил употребен звучен топ и дека српските власти се подготвени да дозволат секаква проверка, пренесува Н1.
По работната вечера со претседателката на Европската комисија Урсула фон дер Лајен и претседателот на Европскиот совет Антонио Коста, Вучиќ рече дека Србија „нема што да крие“ и дека е отворена за секаков вид верификација, вклучително и можна истрага од страна на Европскиот суд за човекови права.
Тој рече дека руската разузнавачка служба ФСБ наскоро ќе пристигне во Србија, а се надева дека ќе пристигне и американското ФБИ за дополнителна истрага за наводната употреба на звучно оружје против демонстрантите.
Фон дер Лајен, сепак, не се осврна на оваа тема во својот говор, туку рече дека Србија мора да ги исполни своите обврски од реформскиот процес за пристапување во ЕУ, особено во областа на слободата на медиумите, борбата против корупцијата и изборните реформи. „Иднината на Србија е во Европската унија“, напиша таа.
Вучиќ се осврна и на петицијата на движењето „Крени-Промени“, која повикува на независна меѓународна истрага под покровителство на Обединетите нации.
„Србија е отворена земја, нека дојде секој кој сака да ја провери“, рече тој, додавајќи дека не се плаши од Европскиот парламент, за кој тврди дека претставниците на опозицијата „ќе гласаат што сакаат, дури и дека Земјата е рамна“.
ИЗДВОЕНИ
Кога го прашав Палчо зошто ја уби само ги крена рамениците
Дарко Стојанов се врати дома по лекувањето во Србија: „Лузните на телото ќе останат, но нема да крварат и да болат, ќе крвари раната на душата до крајот на животот“
Истрагата за пожарот во кочанската дискотека „Пулс“ се проширува, пет пациенти во критична состојба
ГНЕВОТ ПО УЖАСОТ ВО КОЧАНИ ГО ИЗНЕСУВА НАРОДОТ НА УЛИЦИТЕ: Граѓанските колони бараат правда, а не партиски неправди
