Вучиќ од Давос: До 2027 година ќе се возиме во летечки автомобили!

Претседателот на Република Србија, Александар Вучиќ, им се обрати на граѓаните на Србија од Давос, каде што ќе учествува на овогодинешниот состанок на Светскиот економски форум, кој се одржува од 20 до 24 јануари.

Вучиќ на самиот почеток истакна дека кога пристигнал денеска веќе имал важни средби и разговори со странски лидери, пренесе Блиц.рс.

Тој најави дека српските граѓани ќе можат да користат летечки автомобили веќе во 2027 година.

– Кинезите доста ги развија овие летечки автомобили. Ќе побрзаме да се обидеме да завршиме сè што е поврзано со подготовките и регулативите и сè до средината на 2026 година за да можеме да се возиме во тие автомобили во 2027 година.

Ова е важно и за младите, бидејќи кога младите кај нас гледаат дека Србија ги прифаќа најсовремените технологии, сакаат да го покажат тоа. И тоа создава нова квалитативна основа за развој на такви кадри, за развој на такви луѓе и мислам дека тоа се големи работи за нашата земја, рече Вучиќ.