Вучиќ ги обвини организаторите на протестите: Имаат проект за уништување на државата

Српскиот претседател Александар Вучиќ ги обвини организаторите на протестот дека имаат за цел економски да ја уништат Србија, а потоа и територијално да ја распарчат.

Тој додаде дека само наивните луѓе можеле да веруваат дека сега само „младоста се кренала“, а тие што го правеле планот за Автокоманда, пред се, прецизираше Вучиќ, дека тоа е невладината „Граѓански иницијативи“, кои имаат нов проект за уништување на државата, бидејќи таа станала многу посилна.

„Ви велам дека суштината е економско уништување, а потоа територијална дезинтеграција. Прво создавате федерализација, па конфедерализација, а потоа исчезнува Војводина. Ни ја уништија државата во првите два месеци. Ова го кажувам како претседател на државата, мене не ми можат ништо, се зависи од мојата волја, а се е насочено против мене“, изјави Вучиќ на ТВ Пинк.

Тој додаде дека за декларацијата за Војводина ќе разговара со партнерите од Алијансата на војводинските Унгарци и дека „во одреден момент“ ќе биде испратена на усвојување во српскиот парламент.

„Важно е дека декларацијата не е создадена од каприц и не е политички спин“, рече Вучиќ на Пинк.

Тој изјави дека протестите нанеле неизмерна штета на економијата на Србија и дека не се знае како ќе се надомести штетата.

Тој го наведе примерот што не се работи на пругата Белград-Будимпешта затоа што никој не сака ништо да потпише, поради прогонот на оние кои, како што вели, не сакаат ништо да работат и бараат плата на секој први во месецот.

Како пример ги наведе професорите кои, како што вели, чекаат да добијат плата и не прават ништо освен што прават работи во свој интерес.

Вучиќ смета дека протестите на средношколците ќе резултираат со недисциплина и дека ниту еден професор нема да може некому да му даде единица или да падне студент на испит.