Претседателот Александар Вучиќ изјави дека денеска имал многу добар разговор со рускиот претседател Владимир Путин за сите важни прашања од билатералната соработка, вклучувајќи го и постигнувањето договор за гас пред 31 мај, прашањето за американските санкции за НИС и дека е потврдена претстојната средба на 9 мај во Москва.
Вучиќ рече дека разговарале и за сите важни политички прашања, за обидот за обоена револуција во Србија, за ситуацијата во регионот и за сето она што се случува во Република Српска.
„Само што го завршив разговорот со претседателот на Руската Федерација Владимир Владимирович Путин. Имавме добар, суштински и, би се осмелил да кажам, одличен разговор за сите важни билатерални прашања од нашата соработка. Разговаравме за политичката соработка и за тоа како е неопходно меѓувладините комисии да продолжат да работат на закрепнување на нашата трговска размена и натамошно подобрување на економската соработка“, рече Вучиќ во видео изјава на Инстаграм, по неговиот телефонски разговор со Путин.
View this post on Instagram
