Генералниот урбанистички план за Градот Крива Паланка ја освои втората награда на традиционалната годишна манифестација „Меѓународен саем за урбанизам“, која се одржа по 33. пат, во Бијелина, од 8 до 13.11.2024 година и која е организирана од Здружението на урбанисти на Србија.
Автори на ГУП за Градот Крива Паланка (2019-2029) се: м-р Маја Доновски-Лукаревска, Боро Петковски, Ана Пижула-Ефкоски.
Генералниот урбанистички план за Градот Крива Паланка ја доби втората награда во категоријата Генерални урбанистички планови и Планови со генерална регулација, во конкуренција од осум доставени труда.
– Ова е доказ дека Градот Крива Паланка, конечно, доби квалитетен Генерален урбанистички план, од кој зависи неговиот иден развој – велат од локалната самоуправа.
Оваа манифестација претставува смотра на најзначајните актуелни остварувања во областа на просторното и на урбанистичкото планирање, урбанистичкото проектирање и реализацијата.
