Врховниот лидер на Иран, ајатолахот Али Хамнеи нареди „темелна истрага“ вечерва за причините за експлозијата на големото иранско пристаниште, во која загинаа најмалку 40 луѓе, а повеќе од 1.000 беа повредени.
„Безбедносните и судските службеници се обврзани да спроведат темелна истрага за да откријат невнимание или намера“ во предизвикувањето на експлозијата, рече Хамнеи во изјавата прочитана на државната телевизија.
„Досега, 40 лица загинаа од повредите предизвикани од експлозијата“, изјави за новинарите претходно денеска Мохамад Ашури, шеф на провинцијата Хормозган (југ), каде се наоѓа пристаништето Шахид Раџаи, во близина на крајбрежниот град Бандар Абас.
Експлозијата најверојатно се случила поради пожар во магацин на опасни и хемиски материи, се наведува во соопштението на царинската служба.
Експлозијата се случи во саботата додека иранските и американските делегации одржуваа трет круг разговори за иранската нуклеарна програма во Оман.
ИЗДВОЕНИ
НА СОБИРОТ ВО МЕЛНИК: Македонците во Бугарија го чествуваа Јане Сандански, порачаа дека ќе се борат за своите права
ВЛАСТА И ОПОЗИЦИЈАТА ГИ УТВРДУВААТ ФРОНТОВСКИТЕ ЛИНИИ ПРЕД ЛОКАЛНИТЕ ИЗБОРИ: Во клинч за анкети и проценти
Немаме гасовод, а кешираме по 300 илјади евра месечно за гас
„Ако вие, судии и обвинители, се плашите, еве ние, мајките, ќе застанеме пред вас и ќе ве браниме само дојдете до вистинскиот виновник“
