Возило за собирање на отпад од Град Виена

Градоначалникот на Општина Берово, Звонко Пекевски, денеска ја прими донацијата, која се состои од возило за собирање на смет, марка „ман“ за потребите на ЈПКР „Услуга“, од Град Виена, како дел од хуманитарната програма за помош.

Пекевски истакна дека возилото ќе го збогати возниот парк на Јавното комунално претпријатие во Берово и ќе го подобри комуналниот сервис кон граѓаните.

-Ова е една исклучително важна донација, која уште еднаш ја потврдува нашата заложба кон унапредување на состојбите на локално ниво – нагласи Пекевски.