Возачот што ја усмрти девојката на Партизанска возел на црвено, немал дозвола и пиел алхохол

Момчето кое со огромна брзина поминувајќи на црвен семафор ја прегази и на место ја уби младата девојка кај Силбо на Партизанска имал алхохол во крвта и немал возачка дозвола, ОЈО Скопје соопшти дека против него се води истрага.

-Осомничениот 20-годишник, на 29 јануари, како учесник во сообраќајот на јавните патишта, управувал патничко возило „Пежо 207“ сопственсот на неговиот татко по десната сообраќајна лента од бул.„Партизански Одреди“. Меѓутоа, не се придржувал кон прописите и со тоа го загрозил јавниот сообраќај. Автомобилот го управувал без возачка дозвола и под дејство на алкохол со 0,82 промили присуство на алкохол во урина, со што го довел во опасност животот на луѓето. Кога дошол пред обележан пешачки премин на крстосницата со ул.„29-ти Ноември“, не ја приспособил брзината на движење на возилото спрема својствата и состојбата на патот и сообраќајот и другите сообраќајни услови за да може навремено да го запре возилото пред секоја пречка, информираат од ОЈО Скопје

Пред пешачкиот премин  со семафори кои за време на незгодата работеле исправно, продолжил да вози на црвено светло на семафорот и со предниот лев дел од возилото удрил во телото на 22 годишната Фросина Кулакова, која на пешачки ја преминувала улицата. Девојката починала на лице место.

Јавниот обвинител предложи до судот на возачот да му биде одреден притвор, а во медиумите неговото име се поврзува со други кривични дела, трговија на дрога.