Возачот на автобусот што се заглави во подвозникот во Загреб: „Нозете ми се отсекоа, децата успеаа да излезат“

Возач на училишен автобус со регистарски таблички од Сисак предизвика голема гужва  кога во вторникот околу 9 часот и 21 минути се заглави во подвозникот на улицата Мирамарска во Загреб. Возел деца на претстава.

Во автобусот биле деца од Петриња кои дошле во Загреб на училишен излет, поточно на претстава во театарот. Сите полека безбедно излегле низ прозорецот.

По извесно време возачот успеал да го извлече автобусот од подвозникот.

Возачот на автобусот Чазматран кој се заглави во подвозникот ги раскажа деталите од таа необична несреќа.

„Никогаш не сум бил овде со автобус и направив голема грешка, погрешно проценив. Ете, некој знае да не ја процени висината, јас не ја проценив ширината. Навистина не знам дали ја видов ознаката на ширината на влезот во подвозникот“, изјави за Јутарњи лист потресениот возач на автобусот.

Децата, вели, не се повредени.

“Сите успеаја да излезат и да одат на претставата бидејќи им е блиску. И се чувствувам ужасно, верувајте ми, ми се отсекоа нозете, во целосен шок сум. Не знам што да правам, успеав да излезам и сега чекам полиција”, рекол возачот.