Поранешниот министер за здравство на Романија Влад Воикулеску, преку Фејсбук статус упати итен апел до властите во Македонија, дека државата мора итно да побара европска помош за жртвите со изгореници!
Ниту една земја во ЕУ – ниту една земја во светот – не може сама да се справи со толку голем број жртви со тешки изгореници. Северна Македонија учествува во Механизмот за цивилна заштита на ЕУ (UCPM) и може да побара помош во случаи на големи катастрофи. Ова е токму таква ситуација, напиша Воикулеску.
Македонските власти мора итно да поднесат официјално барање за помош за жртвите да добијат специјализиран третман во најдобрите европски центри за изгореници.
Ако сте во Северна Македонија, барајте итна акција од вашата влада! Секој час е важен.