Во согласност со договорот: Ослободени сите три заложници и предадени на Црвениот крст во Газа

Американско-израелскиот заложник Кит Сигел денеска е предаден на Црвениот крст во Газа, соопшти израелската војска (ИДФ).

Претходно денеска двајца заложници беа ослободени во согласност со договорот меѓу Израел и Хамас.

Зигел (64) е виден како мавта кон толпата на бината поставена во градот Газа, изгледајќи слабо и бледо, објави Тајмс оф Израел.

Според извештаите, тој одел без помош, додека вооружени, маскирани членови на Хамас биле стационирани околу бината.

Предавањето се случи без инциденти, за разлика од сцената при ослободувањето на другите заложници претходниот ден, пренесува Танјуг.

Откако ќе биде преземен од Црвениот крст, Сигел ќе биде пренесен до израелските сили во Појасот Газа, од каде ќе биде евакуиран.

Сигел, американско-израелски државјанин, беше киднапиран заедно со неговата сопруга Авива на 7 октомври 2023 година, за време на напад на Хамас на Кибуц Кфар Аза.

Авива беше ослободена за време на претходниот прекин на огнот во ноември 2023 година.

Црвениот крст ги предаде ослободените заложници Јарден Бибас и Офер Калдерон на израелската армија во Појасот Газа.

Хамас ги предаде двајцата на Црвениот крст во Кан Јунис, а потоа беа однесени кај израелските сили во Газа.

Тие ќе бидат однесени од Појасот во воен објект во близина на пограничната заедница Реим на првичен преглед.

Возилата на Црвениот крст пристигнуваат во Кан Јунис во јужниот дел на Газа за предавање на заложниците

Возилата на Црвениот крст пристигнаа на местото за предавање на заложниците што го постави Хамас во јужниот дел на Газа.

Јарден Бибас и Офер Калдерон Хамас ги предаде на Црвениот крст, додека Кит Сигел ќе биде ослободен на друга локација поставена од Хамас на пристаништето во градот Газа.