Во Соединетите Американски Држави се регистрирани голем број на угинување на медоносни пчели кои се бројат во милиони, а ентомолозите од Државниот универзитет во Вашингтон наведуваат дека американските пчелари оваа година би можеле да изгубат од 60 до 70 отсто од нивните колонии.
Истражувањето на американските инспектори за пчеларници откри дека пчеларите изгубиле 55 отсто од нивните колонии минатата година, што е највисока стапка на смртност откако почнале да водат евиденција во 2011 година, објави Индипендент.
“Тоа влијае на безбедноста на храната за сите нас. Овошјето и зеленчукот се опрашуваат од пчели, а ние ги сакаме нашите овошја и зеленчук. Го сакаме нашето кафе опрашувано од пчели. Често го земаме ова здраво за готово”, изјави за Индипендент ентомологот д-р Јулијана Рангел од Универзитетот А&М во Тексас.
