Телото на Иларија Сула, 22-годишната девојка која исчезна на 25 март минатата година во Рим, беше пронајдено во шумска област на дното на карпа во близина на општина Поли, во голем куфер.
Истрагата за убиството е во тек, јави Анса. Истрагата на римската криминалистичка полиција и полициската станица Сан Лоренцо се фокусира на млад човек со филипинско потекло. Поранешното момче на Иларија Сула (23) е уапсено по налог на Обвинителството во Рим.
Дечкото наводно бил фатен благодарение на податоците од телефонските броеви и базните станици на телефонот на девојката. Со анализа на овие податоци, истражителите, координирани од Обвинителството во Рим, открија 23-годишен маж кој во деновите по исчезнувањето на девојката на 25 март, го користел нејзиниот телефон и објавувал на нејзините профили на социјалните мрежи. Момчето во моментов е под истрага.
Според досегашните информации, тој со нож ја убил девојката во стан во Рим, а потоа го отстранил нејзиното тело ставајќи го во куфер.
Обвинителите, предводени од заменик-обвинителот Џузепе Касини, во моментов го испрашуваат во Полициската управа.
Тој се товари за убиство и прикривање на телото.