Во Иран е усвоен нов контроверзен закон: Значитечно е засилен кодесксот на облекување

Иранскиот парламент усвои контроверзен нов закон со кој значително се заоструваат постоечките правила за облекување, кои веќе предизвикаа протести низ целата земја и ја разнишаа стабилноста на исламистичкиот режим.

Новиот закон за „чистота и хиџаб“ беше усвоен од тврдокорниот парламент и одобрен од Советот на чувари, кој гарантира дека законот е усогласен со уставот и исламскиот закон. За да стапи во сила законот мора да биде потпишан од претседателот на државата Масуд Пезешкијан, пренесува Индекс.

Пезешкијан е критичар на строгиот кодекс на облекување и изрази противење на законот, подготвувајќи се за можен судир со конзервативците кои ја поддржуваат иницијативата. Неговиот потпис е главно церемонијален и му дава малку простор да го блокира законот, поради што на социјалните мрежи призна дека ќе биде тешко притиснат да го спречи неговото спроведување.

Законот воведува тригодишен пробен период, во кој ќе се применуваат построги казни за кршење на хиџабот и несоодветно облекување, и за жените и за мажите. Непристојното облекување за жените е дефинирано како облека што го открива телото под вратот, над глуждовите и подлактиците, додека откривањето на рамената и над колената е забрането за мажите.