Во Формула 1 сè е можно, така е и со Луис Хамилтон

По 12 успешни години во Мерцедес, во кои освои шест светски титули, Луис Хамилтон пред една година го шокираше светот на Формула 1 објавувајќи ја својата преселба во Ферари. Иако многумина веруваат дека ова е логичен чекор за британскиот возач, поранешниот пилот во Формула 1, Сер Џеки Стјуарт, не го дели мнозинското мислење и бил изненаден од одлуката на Британецот.

На Стјуард, трикратниот светски шампион, му беше многу тешко да разбере зошто Хамилтон би заминал од толку успешен тим како Мерцедес.

• Ферари е најпрепознатливото име во светот. Доколку отидете кај кој било воин на Масаи во Африка и го прашате за Ферари, тој дефинитивно ќе знае за каква марка се работи, изјави Стјуарт за „Скај Спортс“.

Иако беше свесен за големината на Ферари, Стјуарт изрази одреден скептицизам за овој потег, иако признава дека идејата да се приклучи на Скудерија му била многу примамлива во минатото.

Иако Стјуарт останува малку изненаден, тој не се сомнева во способностите на Хамилтон, кој, според него, сега е „поискусен од кога било досега“ и добро знае што прави.

Хамилтон веќе ги заврши своите први тестови со Ферари во Фиорано и Барселона, а светот ќе има можност да го види неговиот нов болид на 19 февруари, кога Ферари ќе го претстави својот нов модел.

Иако Хамилтон ќе се соочи со многу предизвици, вклучувајќи ја и улогата на лидер во новиот тим, Стјуарт верува дека британскиот возач е способен да се справи со притисоците кои доаѓаат со работата за еден од најпознатите и најтрофејните тимови во историјата на Формула 1.

Сега се поставува прашањето дали Хамилтон ќе успее да постигне успех со Ферари во ера кога италијанскиот тим не е толку доминантен како Мерцедес.

• Во Формула 1 сè е можно. Никогаш не знаеш што ќе се случи. Ферари е тим кој имал големи успеси во минатото, а Хамилтон е возач кој секогаш се бори за врвот, додаде Стјуард.