Вирусите ќе ве заобиколуваат: Овие природни еликсири за зајакнување на имунитетот чинат чуда!

Доколку внесувате одредени здрави намирници, ќе го зајакнете имунитетот во зимските месеци и ќе бидете помалку подложни на здравствени проблеми.

Ова се намирниците со кои можете да направите моќни еликсири кои треба да ги консумирате секој ден.

Ѓумбир, лимон, мед
Светото тројство за одбрана од болести се состои од лимон, мед и ѓумбир.

Земете мало парче корен од ѓумбир, изрендајте го и сварете го како чај. Откако малку ќе се излади додадете мед и сок од лимон, портокал или грејпфрут.

Или сварете рендан ѓумбир во вода, оставете го да отстои пет минути, па додадете го чајот од камилица. Процедете и додадете сок од лимон и мед.

Покрај ѓумбирот, не заборавајте и цимет кој одлично се комбинира со мед.

Сварете го циметот во вода, изладете го, а потоа додадете мед. Освен мед, одличен е и прополисот. Додадете 15 капки прополис во една лажичка кафеав шеќер и земајте го секое утро на празен стомак.

Куркума
Куркумата има фантастични својства.

За ефикасен пијалок за зајакнување на имунитетот, додадете четвртина лажичка куркума, сок од половина лимон, малку мед и лажичка кокосово масло во чаша топла вода. Добро измешајте.

Куркумата ќе потоне на дното на чашата, затоа продолжете да ја мешате водата додека пиете за да ги искористите нејзините целосни придобивки. Погрижете се да ја пиете водата додека е уште топла.

Лук
Незаменливо растение за „убивање“ на сите болести, во народните верувања дури и зли духови, караконџули и вампири, е лукот.

Наполнете мала тегла со лук (излупени чешниња), покријте со мед и јадете секој ден. Ако мирисот на кромид ви е премногу одбивен, медот само во оваа комбинација е сосема доволен. Овој лек за сите болести е стар 5.000 години!

Витаминска бомба
Витамините и минералите се првата линија на одбрана од вируси, па затоа е идеално да ги имате секогаш при рака.

Направете витаминска бомба на следниов начин: сомелете 100 гр суво грозје, 150 гр ореви, 100 гр бадеми и кора од два лимона. Во смесата додадете го сокот од два лимона, чија кора претходно сте ја користеле. Промешајте, па додадете по 100 гр мелени сливи и суви кајсии. На крајот додадете 300 гр мед и повторно измешајте. Можете да додадете и мелено китка магдонос.

Ставете го во фрижидер и земајте по една лажица три пати на ден.