Вирц или Симонс замена за Де Бруин

Летниот преоден рок на Манчестер сити стана многу поинтересен по последните изјави, кои дополнително ги поттикнаа шпекулациите за можни засилувања. Шампионот во Премиер лигата во заминување влегува во период на големи промени, кој веќе започна – и на менаџерско ниво и во срцето на креативната машинерија на Пеп Гвардиола.

Поранешниот спортски директор, Уго Вијан ,ќе ја преземе истата функција во Манчестер сити ова лето откако се повлече Чики Бегиристајн од позицијата на која беше успешен во изминатите 12 сезони. На почетокот од месецов стигна официјална потврда и од клубот и од играчот – Манчестер сити нема да го продолжи договорот со клупската легенда Кевин де Бруин, која ќе замине летово, како слободен играч. Очекувано, голем број имиња се поврзуваат со преселба на „Етихад“ за да се пополни празнината што ќе ја остави Де Бруин. Најмногу се зборува за Флоријан Вирц од Баер Леверкузен, но, на радарот на Сити, се најде и Чави Симонс од Лајпциг.