„Виновен или не, нема правда во тенисот“

Еден од најжестоките критичари на светскиот тениски рекет број еден  Јаник Синер, австралискиот тенисер Ник Кирјос, ја коментираше шокантната спогодба направена со Светската антидопинг агенција.

Синер беше суспендиран на само три месеци поради допинг, а одлуката стапи на сила на 9 февруари и важи до 4 мај. Ова значи дека Италијанецот нема да може да игра во Доха, Индијан Велс, Мајами, Монте Карло и Мадрид.

Тениската агенција за интегритет (ITIA) ефективно го ослободи Синер од какво било прекршување откако двапати беше позитивен на допинг тест, но Светската анти-допинг агенција (ВАДА) поднесе жалба до Судот за спортска арбитража (CAS), тврдејќи дека Италијанецот треба да биде построго казнет.

Иако исходот од жалбата поднесена од Светската допинг агенција не се очекуваше до средината на април, ВАДА на крајот се договори со Синер. Италијанецот се согласи на тримесечна суспензија, па постапката беше прекината. Зато Кирјос смета дека правдата во овој случај не е задоволена.

„Светска анти-допинг агенција го кажа своето и беше објавено дека забраната ќе биде една или две години. Очигледно, тимот на Синер направи се за забраната да биде три месеци и тој да не изгуби ниту поени или пари. Виновен или невин? Ова е тажен ден за тенисот. Нема правда во тенисот“, напиша Кирјос.

Пред Отвореното првенство на САД неизбежно излезе веста дека младиот италијански тенисер двапати паднал на допинг тест во март. Скандалозната вест со месеци се чуваше во строга тајна, а потоа излезе објавата дека два пати бил позитивен на забранетата супстанца колстебол на турнирот во Индијан Велс и дека не е виновен.

Тренерот на Синер даде објаснување на кое малкумина поверуваа. Тие ги обвинија физиотерапевтот Џакомо Налди и членот на тимот Умберто Ферер за невнимание. Тие тврдеа дека Налди си го пресекол прстот со скалпел и Ферера му дал спреј кој содржел ацетаминофен. Нивното објаснување е дека стероидот влегол во телото на Синер преку кожата – го пренел Налди додека го масирал.

Ник не ја „проголта“ оваа приказна, па ја искористи секоја можна прилика јавно да го критикува Италијанецот.