Поранешниот светски женски тениски рекет број еден Американката, Венус Вилијамс (44) доби покана за мастерс турнирот во Индијан Велс. Седумкратната победничка на грен слем турнирите го бојкотираше турнирот 15 години, откако фановите ја подложија нејзината помлада сестра Серена и нејзиното семејство на расистички малтретирања за време на нејзината финална победа над Ким Клајстерс во 2001 година.
Венус и го предаде мечот на нејзината сестра Серена во полуфиналето на турнирот во 2001 година поради повреда, што доведе до шпекулации за нејзино предавање. Публиката во финалето гласно ја исвирка Серена. Протестите не престанаа ниту за време на доделувањето на наградите. Серена Вилијамс го бојкотираше турнирот 14 години, појавувајќи се во 2015 година, додека Венус го прекина својот бојкот следната година.
Венус во својата кариера има освоено 49 турнири во сингл, вклучувајќи седум грен слем титули. Таа освои уште 24 турнири во двојки, а има пет олимписки медали, од кои четири златни. Таа последен пат се појави на ВТА турнејата во март 2024 година во Мајами.
ИЗДВОЕНИ
САД предложија „едноставна и историска“ резолуција до Генералното собрание на ОН за „брз крај“ на војната во Украина
Радоста носи убаво време: Кога ѝ студот зрачи со убавина/ФОТО
Меџити: Минчев да не го копира Апасиев – му се допаѓало или не, правичната застапеност на Албанците е уставна категорија
„Дипломатија на втор колосек“: Тајни средби во Швајцарија за ставање крај на војната во Украина
